Azərbaycan Respublikasının təhsil naziri Estoniya Respublikasının dövlət idarəçilik naziri ilə görüşüb

Aprelin 8-də təhsil naziri Mikayıl Cabbarov Estoniya Respublikasının dövlət idarəçilik naziri, Azərbaycan-Estoniya Hökumətlərarası Komissiyasının sədri Mixail Korb ilə görüşüb.

Görüşdə Azərbaycan və Estoniya arasında təhsil sahəsində əlaqələrin cari vəziyyəti və inkişafı, "Azərbaycan Respublikasında təhsil inkişafı üzrə Dövlət Strateqiyası"nın müəyyən etdiyi hədəflərə uyğun olaraq, gələcək əməkdaşlığın perspektivləri müzakirə edilib.