Azərbaycan Respublikasının xarici işlər naziri Ceyhun Bayramov BMT Baş Assambleyasının 80-ci sessiyasının yüksək səviyyəli həftəsində iştirakı çərçivəsində Estoniya Respublikasının xarici işlər naziri Marqus Tsaxna ilə görüşmüşdür.
24 sentyabr tarixində Azərbaycan Respublikasının xarici işlər naziri Ceyhun Bayramov BMT Baş Assambleyasının 80-ci sessiyasının yüksək səviyyəli həftəsində iştirakı çərçivəsində Estoniya Respublikasının xarici işlər naziri Marqus Tsaxna ilə görüşmüşdür.
Nazirlər siyasi məsləhətləşmələr və qarşılıqlı səfərlər vasitəsilə Azərbaycan-Estoniya dialoqunun genişləndirilməsinin vacibliyini vurğuladılar və ikitərəfli əlaqələrin genişləndirilməsi imkanlarını qeyd etdilər.
Nazir Bayramov Azərbaycanın regional sülhməramlı səyləri, o cümlədən Azərbaycan-Ermənistan arasında normallaşma prosesi və Vaşinqton Sammitinin nəticələri barədə məlumat verib.
Hər iki tərəf, BMT və digər beynəlxalq platformalar daxil olmaqla, ikitərəfli və çoxtərəfli çərçivələr daxilində əməkdaşlığı dərinləşdirməyə hazır olduqlarını təsdiqləyiblər.
