yenilənib - ESTONİYA RESPUBLIKASINDA YAŞAYAN AZƏRBAYCAN RESPUBLİKASI VƏTƏNDAŞLARININ DİQQƏTİNƏ!
- Koronavirus (COVID-19) infeksiyasının yayılması ilə bağlı Estoniya Respublikası ərazisində 2020-ci ilin 12 mart tarixindən 01 may tarixinə qədər fövqəladə vəziyyət elan edilmişdir.
- Koronavirus (COVID-19) infeksiyasının yayılmasının qarşısının alınması məqsədilə Estoniya Hökuməti 2020-ci ilin 17 mart tarixindən etibarən dövlət sərhədində nəzarətin bərpa edilməsi barədə qərar qəbul etmişdir.
Hazırda, yalnız Estoniya vətəndaşları, yaşamaq icazəsinə malik olan şəxslər, habelə ailələri Estoniyada yaşayan xarici vətəndaşlar ölkə ərazisinə daxil ola bilərlər. Ölkəyə daxil olan hər bir şəxs, gəldiyi gündən etibarən 14 gün ərzində yaşadığı ünvan üzrə karantində olmalıdır. Eyni zamanda, ölkəyə daxil olan müvafiq şəxslərdə koronavirus (COVID-19) infeksiyasının simptomları aşkar edilmədikdə, onlar karantinə düşməyə da bilərlər (polis orqanlarının qərarı əsasında).
- Koronavirus (COVID-19) infeksiyasının yayılmasının qarşısının alınması məqsədilə Estoniya Hökuməti 2020-ci ilin 17 mart tarixindən etibarən Şengen vizasının, habelə uzunmüddətli vizanın alınması üçün müraciətlərin qəbulunu müvəqqəti olaraq dayandırmışdır. Vizaların alınması üçün müraciətlərin edilməsi aşağıdakı istisna hallarda mümkündür:
Humanitar əsaslar;
Yük və materialların beynəlxalq daşınması;
Fövqəladə vəziyyətin idarə edilməsi üçün vacib hesab olunan tibbi və digər xidmətlərin göstərilməsi;
Valideynləri, uşaqları və ya həyat yoldaşı Estoniya vətəndaşı və ya Estoniyada yaşamaq icazəsi olduğu şəxslər tərəfindən vizaya müraciət edilə bilər;
Fövqəladə vəziyyətin elan edildiyi dövr ərzində əvvəl verilmiş və etibarlı vizalar ilə Estoniyaya daxil olmaq mümkün olmayacaqdır.
Ətraflı: https://vm.ee/en/news/estonia-temporarily-suspends-issuing-schengen-visas
- Estoniyada müvəqqəti yaşayan (viza və ya vizasız rejim əsasında) xarici dövlətlərin vətəndaşlarının, Estoniyada müvəqqəti qalma müddətinin bitməsinin fövqəladə vəziyyətin qüvvədə olduğu dövrə təsadüf etdikdə və həmin vətəndaşlar öz ölkələrinə qayıda bilmədikdə, Estoniyada müvəqqəti qalmaq hüquqları avtomatik olaraq uzadılır (Estoniyanın Polis və Sərhəd Departamentinə müraciət etməyə ehtiyac duyulmur). Sözügedən vətəndaşlar, fövqəladə vəziyyət bitdikdən sonra 10 günə qədər Estoniya ərazisində qala bilərlər. Eyni zamanda, Estoniyada müvəqqəti yaşayan (viza və ya vizasız rejim əsasında) xarici dövlətlərin vətəndaşlarının ölkələrinə qayıtmaq imkanları olduqda, Estoniyada müvəqqəti qalmağa icazə verən sənədin (viza və s.) müddətinin bitməsindən öncə ölkə ərazisini tərk etməlidirlər.
2020-ci ilin 27 mart tarixindən etibarən ölkədə əlavə məhdudlaşdırıcı tədbirlər tətbiq edilir:
- nəzdində ərzaq mağazaları və apteklər istisna olmaqla, ölkədə bütün ticarət mərkəzlərinin fəaliyyəti dayandırlır;
- ictimai yerlərdə 2 nəfərdən artıq toplaşmaq qadağan edilir;
- insanlararası təmaslarda vətəndaşlar tərəfindən 2 metrlik məsafənin saxlanılması tövsiyə edilir;
- ictimai iaşə müəssisələrinə müştərilər yalnız evə götürmə xidmətindən istifadə edə bilər. Eyni zamanda, xidmət vaxtı saat 22.00 qədər müəyyən edilir, çatdırma və onlayn satışlara məhdudiyyətsiz icazə verilir;
- əyləncə obyektlərinin fəaliyyəti dayandırılır;
- açıq havada yerləşən oyun və idman meydançalarına buraxılış qadağan edilir.
2020-ci ilin 27 mart tarixindən etibarən Koronavirus (COVID-19) infeksiyasına yoluxan şəxslərə, sağalana qədər evdən çıxmaq qadağan edilir. Həmin şəxslər, tibb və ya polis orqanlarının göstərişi ilə, habelə həyatları təhlükədə olduğu təqdirdə evdən çıxa bilərlər.
Qaydalara əməl edilməsinin yoxlanılması polis orqanlarına həvalə edilir. Birinci dəfə qaydalara əməl etməyən şəxslərə xəbərdarlıq olunur, növbəti dəfə isə 2000 Avro məbləğinə qədər cərimə tətbiq edilir.
İctimai yerlərdə 2 nəfərdən artıq toplaşmaq qadağan edilir. İnsanlararası təmaslarda vətəndaşlar tərəfindən 2 metrlik məsafənin saxlanılması tövsiyə edilir.
- Koronavirus (COVID-19) infeksiyası ilə bağlı Estoniya Respublikası Hökuməti tərəfindən yayılan rəsmi məlumatlara və tövsiyələrə ciddi şəkildə əməl edilməsi tövsiyə olunur. Koronavirus (COVID-19) infeksiyasının Estoniyada yayılması, habelə Estoniyanın dövlət sərhədində hazırda tətbiq edilən rejim ilə bağlı son məlumatları aşağıdakı internet səhifələrdən əldə etmək olar:
Estoniya Respublikasının Hökuməti:
https://www.valitsus.ee/en/emergency-situation-estonia
https://www.valitsus.ee/en/news/estonia-temporarily-reintroduces-border-controls- whole-border
Estoniya Respublikasının Xarici İşlər Nazirliyi:
https://vm.ee/en/coronavirus-2019-ncov
Estoniyanın Respublikasının Səhiyyə Departamenti:
https://www.terviseamet.ee/en/covid19
Estoniyanın Respublikasının Polis və Sərhəd Departamenti:
- Rusiyanın “Aeroflot” hava şirkətinin Moskva-Tallin-Moskva marşrutu üzrə uçuşları 19 mart tarixindən 30 aprel tarixinədək, Türk Hava Yollarının Tallin-İstanbul-Tallin marşrutu üzrə uçuşları isə 27 mart tarixindən 01 may tarixinədək dayandırılmışdır;
- Estoniyaya qayıtmaq niyyətində olan müvafiq şəxslər, Estoniya Xarici İşlər Nazirliyinin aşağıdakı internet səhifəsindən reyslər və tarixlər barədə məlumatları əldə edə bilərlər:
Eyni zamanda, Estoniya Xarici İşlər Nazirliyinin vm.ee internet səhifəsində daimi yenilənən məlumatlar ilə tanış olmaq tövsiyə edilir.
- Azərbaycan Respublikasının Estoniyadakı Səfirliyi ilə yanaşı, Estoniyanın dövlət sərhədinin keçməsi ilə bağlı hər hansı bir konkret suala əlavə aydınlıq gətirilməsi üçün Estoniyanın polis və sərhəd müdafiəsi Departamentinin +372 612 30 00 nömrəsi ilə, habelə +372 5301 9999 nömrə vasitəsilə 24 saat ərzində fəaliyyət göstərən yardım xidməti ilə əlaqə saxlamaq da tövsiyə edilir;
- Koronavirus (COVID-19) infeksiyasına dair hər hansı sual olacağı, eyni zamanda vətəndaşın həmin xəstəliyə yoluxmaya şübhəsi olduğu təqdirdə, öz ailə həkimi və ya 1220 telefon nömrəsi vasitəsilə ailə həkimləri məsləhətxanası ilə əlaqə saxlanılmalıdır. Zərurət yarandığı təqdirdə, 112 nömrəsi ilə təcili tibbi yardım xidmətinə müraciət edilməlidir;
- Vətəndaşlarımız arasında yoluxma riskinin mümkün qədər azaldılması məqsədilə şəxsi gigiyena və təmizlik qaydalarına ciddi əməl edilməsi, ictimai nəqliyyatdan mümkün qədər az istifadə olunması, insanların çox toplaşdıqları qapalı və açıq məkanlara gedilməməsi, dezinfeksiya tərkibli məhlullardan tez-tez istifadə edilməsi tövsiyə olunur;
- Azərbaycan Respublikasının Estoniyadakı Səfirliyində və onun konsulluq bölməsində vətəndaşların qəbulu müvəqqəti olaraq dayandırılmışdır.
Vətəndaşların müraciətlərinin qəbulu yalnız aşağıda göstərilən elektron poçt və ya telefon nömrələri vasitəsilə həyata keçirilir:
tallinn@mission.mfa.gov.az
consulate@azembassy.ee
+372 5454 5522
+372 5360 6698
- Estoniya Respublikası ərazisində fövqəladə vəziyyətin elan edildiyini nəzərə alaraq, Estoniyada yaşayan, təhsil alan və ya müvəqqəti olaraq ölkədə səfərdə olan vətəndaşlarımızın mümkün müraciətlərinin operativ cavablandırılması məqsədilə Azərbaycan Respublikasının Estoniya Respublikasındakı Səfirliyinin 24 saat fəaliyyət göstərən aşağıdakı “Qaynar xətt”ləri açılmışdır:
+372 5454 5522
+372 5360 6698
consulate@azembassy.ee
- Yaranmış fövqəladə vəziyyətdə vətəndaşlarımızın operativ qaydada məlumatlandırılması məqsədilə Estoniyada daimi və ya müvəqqəti yaşayan, lakin konsulluq qeydiyyatında hələ də olmayan Azərbaycan Respublikası vətəndaşlarının Azərbaycan Respublikasının Estoniya Respublikasındakı Səfirliyində aşağıdakı elektron poçt və ya telefon nömrələri vasitəsilə konsulluq qeydiyyatına düşmələri tövsiyə olunur:
tallinn@mission.mfa.gov.az
consulate@azembassy.ee
+372 5454 5522
+372 53606698
Konsulluq qeydiyyatına düşmək üçün tələb olunan sənədlərin siyahısı ilə aşağıdakı internet səhifədən tanış olmaq olar:
